«Ономастикалық жаңғыру – рухани жаңғыру кепілі» семинар-кеңесінде

link

24.02.2020

ШҚМУ оқытушылары ономастика мәселесіне арналған семинар-кеңесте баяндама жасады

С. Аманжолов атындағы ШҚМУ оқытушылары «Ономастикалық жаңғыру – рухани жаңғыру кепілі» семинар-кеңесінде баяндама жасады.

Катонқарағай ауданында облыстық тілдерді дамыту жөніндегі басқарма басшысының міндетін атқарушы Роза Төлемісованың төрағалығымен «Ономастикалық жаңғыру – рухани жаңғыру кепілі» семинар-кеңесі өтті.

Шарада С. Аманжолов атындағы ШҚМУ Қазақ, орыс филологиясы және журналистика кафедрасының доценттері, филология ғылымының кандидаттары Бердібек Бияров, Айгүл Әлімхан, Катонқарағай ауданының әкімі Ренат Құрмамбаев баяндама жасады.

Семинар-кеңеске аудандағы атқарушы органдар, қоғамдық ұйымдар өкілдері, ақсақалдар, тұрғындар қатысты.

Семинарда елдімекендер мен жер-су атауларының тарихи атауларын қалпына келтіру мәселесі қаралды. Сонымен қатар, кеңес заманынан қалған идеологиялық тұрғыда ескірген көше атауларын ұлттық, тарихи атаулармен қайта атау ұсынылды.

Қазақ, орыс филологиясы және журналистика кафедрасы