Estudios d'onomástica románica (1987-2017) is scholar research of Ana María Cano González, Professor of Romance Philology, former President of the Academy of Asturian Language and Dean of the Faculty of Philology at the University of Uviéu. The presentation of that book in Septmeber 2021 was a tribute to the linguist on the occasion of her retirement.
Nun actu celebráu’l 10 de setiembre del 2021 nel Aula Magna de la Universidá d’Uviéu, presentóse’l llibru Llingua, tierra, nomes... Estudios d’onomástica románica (1987-2017), qu’axunta la xera investigadora, nesi terrén, de la catedrática de Filoloxía Románica, Ana María Cano González, que foi tamién presidenta de l’Academia de la Llingua Asturiana y decana de la Facultá de Filoloxía de la Universidá d’Uviéu. L’actu foi, el empar, un homenaxe a la llingüista con motivu de xubilase.
El llibru recueye 24 trabayos d’onomástica románica y asturiana, asoleyaos dende 1987 en diverses publicaciones especializaes, dalgunes d’accesu difícil pal públicu interesao. Xunto col entamador del proyectu, Dieter Kremer, y Jean Germain, Ana Cano forma parte de la dirección del proyectu internacional Patronymica Romanica (PatRom), de la Universidá de Tréveris (Alemaña), que redacta’l Dictionnaire historique de l'anthroponymie romane (PatRom), estudiu de nomes y apellíos del ámbitu románicu.
El volume Llingua, tierra, nomes…, coordináu por Claudia Elena Menéndez y Pilar Fidalgo, fai un percorríu per temes bien diversos: nomes personales, apellíos, topónimos, sufixos, nomatos, etcétera.
FICHA BIBLIOGRÁFICA
Ana María Cano González, Llingua, tierra, nomes… Estudios d’onomástica románica (1987-2017), ed. coord. por Claudia Elena Menéndez Fernández & Pilar Fidalgo Pravia, Uviéu: Academia de la Llingua Asturiana, 2021, pp. 499-512.
No comments:
Post a Comment